Borið hefur á því að svo kallað nornahár hafi borist frá gosinu við Stóra-Skógfell.  Um er að ræða beitta glerþræði sem geta stungist í húð. Borið hefur á því að börn sem hafa farið berfætt á hoppidýnur hafi fengið þessar nálar í sig.

Foreldrum er ráðlagt að hafa vara á vegna þessa og hreinsa trampolín og önnur leiktæki fyrir notkun. Eins ætti að varast að börn séu berfætt utandyra á meðan þessi hætta er fyrir hendi.