Þann 27. júlí 2024 tók gildi reglugerð nr. 903/2024 um hollustuhætti. Ýmis nýmæli eru í reglugerðinni og ástæða er til að vekja sérstaklega athygli á auglýsingaskyldu starfsleyfa. Hún felur í sér að áður en starfsleyfi er veitt skal auglýsa tillögu að starfsleyfi á vefsvæði heilbrigðiseftirlitsins, þar sem heimilt er að gera skriflegar athugasemdir innan fjögurra vikna.

Augljóst er að leyfisveitingar munu tefjast sem þessu nemur og er þeim sem hyggjast hefja leyfisskyldan rekstur bent á að hafa þetta í huga og leggja inn umsóknir hið fyrsta. Þessi auglýsingaskylda á við allan rekstur sem fellur undir reglugerðina, s.s. veitingastaði, skemmtistaði, skóla, íþróttahús o.fl.

Sjá meðfylgjandi tengil á reglugerðina: https://island.is/reglugerdir/nr/0903-2024