Starfsleyfi Stofnfisks hf. (620391-1079) til reksturs á fiskeldi að Kirkjuvogi 13, Höfnum í Reykjanesbæ.

1. gr. Gildissvið

1. 1.          Starfsleyfi þetta gildir til rannsókna á eldi sjávarlífvera. Starfsleyfið gildir í tólf ár frá útgáfudegi.

1. 2.     Lífmassi í stöðinni skal að hámarki vera 50 tonn en á ársgrundvelli skal meðallífmassi í stöðinni ekki fara yfir 30 tonn.

1.3.      Eigi má breyta eða auka þennan atvinnurekstur ef það getur leitt til aukinnar og eða annarrar mengunar nema að höfðu samráði við Heilbrigðiseftirlit Suðurnesja sem þá ákvarðar hvort gefa þurfi út nýtt starfsleyfi, sbr. 18. gr. rgl. 785/1999.

2. gr. Meðferð hættulegra efna

2.1.      Geyma skal öll hættuleg efni og efnasambönd með öruggum hætti.

2.2.      Hættuleg efni skulu meðhöndluð af varúð og þess vandlega gætt að þau hvorki berist í niðurföll né geti á annan hátt valdið umhverfisskaða eða heilsutjóni.

2.3.      Starfsfólk skal hafa fullnægjandi þekkingu á eitrunarhættu og eiginleikum þeirra efna sem það vinnur með og skulu upplýsingar þar að lútandi ávallt vera tiltækar á vinnustaðnum.

3. gr. Um úrgang

3.1.      Rekstraraðilar skulu markvisst og stöðugt vinna að því að draga úr úrgangsmyndun eins og kostur er. Stöðugt skal reynt að finna leiðir til endurnýtingar á úrgangi og ber fyrirtækinu að tileinka sér þau endurnýtingarúrræði sem eru fyrir hendi hverju sinni.

3.2.      Urðun og brennsla á úrgangi er óheimil á athafnasvæði fyrirtækisins og skal allur úrgangur fluttur til eyðingar eða endurvinnslu hjá aðila með starfsleyfi skv. rgl. 785/1999.

3. 3.     Sorphirslur og ílát undir úrgang skulu standast kröfur heilbrigðiseftirlitsins. Sérstaklega skal þess gætt að meindýr og vargfugl komist ekki í úrganginn.

3.4.      Öllum spilliefnum s.s. olíusora, lyfjaleifum og efnaúrgangi skal skila reglulega til aðila sem hafa starfsleyfi til móttöku spilliefna, skv. rgl. 785/1999. Við afhendingu skal haldið eftir vottorði fyrir móttökunni þar sem fram kemur magn (massi eða rúmmál), og gerð úrgangs, sbr. 11. gr. rgl. 806/1999.

3.5.      Allt frárennsli frá starfsmannaaðstöðu og salernum á vinnusvæði skal leitt í rotþró. Um fyrirkomulag og staðsetningu rotþróa skal fara samkvæmt útgefnum leiðbeiningum Hollustuverndar ríkisins og fyrirmælum Heilbrigðiseftirlits Suðurnesja.

3.6.      Frárennsli frá eldiskerjum skal leitt til sjávar.

3.7.      Þannig skal gengið frá fráveitu að við útrás sé hvergi að finna, sbr. fylgiskjal 1 í rgl. 798/1999.

• set eða útfellingar,
• þekjur af rotverum,
• olíu eða froðu,
• sorp eða aðra aðskotahluti,
• efni sem valda óþægilegri lykt, lit eða gruggi.

Aftur á síðu um starfsleyfisskilyrði.